五個居屋仔搞 GAG網致富

網站 9GAG的誕生，主要來自 27歲的網站搞手陳展程（ Ray），以及比他年輕三載的弟弟展俊（ Chris）四年前的意念。二人在屯門屋邨長大，出生草根，父親是快餐店廚師，同讀港大，一個法律系，一個建築系。 Chris說：「 07年我讀 Year 2，同阿哥、仲有一個家喺投資銀行做嘢嘅拍檔 Derek諗點樣創業，香港租金貴，所以就決定喺屋企搞網站。最初構想做收藏電器網站，但係對市場毫無頭緒，胎死腹中，後嚟搞收藏化妝品嘅網站，但冇經驗、冇技術，最終失敗」。

連敗兩戰未言棄
連敗兩戰，三人未言放棄，阿 Ray腦間彈出另一個構想：「好多人都鍾意用電郵轉寄無聊搞笑嘅圖片同 YouTube影片，當時 facebook喺香港仍未普及，笑係全球嘅共同語言，我哋放眼全球市場，終殺出一條血路， 9GAG就咁誕生。」 Chris大學畢業後做 iPhone App設計，放工回家全力更新網站內容。網站漸受關注，在外國傳媒報道後流量穩步上揚，大量海外讀者轉載圖片。流量上升，廣告公司也主動走上門，收入大增。

現時 9GAG的五名合作夥伴中，三人全職，以每年過千萬元營業額計，每人年薪破百萬元，惟實際上各人每月只支薪 1.6萬元：「賺到嘅錢儲起嚟投資同開發其他項目，家準備搞網店，亦投資咗落一啲開發手機 App嘅公司。」為開拓業務，他們將 9GAG推介給美國矽谷的創投基金 500 Startups，最終獲垂青。

開發網上卡啦 OK
Chris說：「 500 Startups係一個小型基金，畀咗 5萬蚊美金我哋換公司 5%股份，最重要係有四個月 mentorship，可以同嚟自 Google、 Youtube、 facebook等高層嘅導師交流，我哋同負責網站程式設計的 Marco之前去咗美國幾個月學嘢，收穫豐富。」在基金支持下，他們開發了新項目 Singboard網上卡啦 OK，連《華爾街日報》也曾報道。

剛從矽谷回來，發現世界不再一樣，「搞網站原來唔可以講直覺，我哋好多時自以為成功嘅 idea都係咁畀人 ban，發覺好多 work嘅嘢其實都係要數據支持，好多嘢做嘅時候冇即時回報，以後分分鐘變成功關鍵。」
成功創業，有何體會？ Ray和 Chris異口同聲以港大宿生流行的一句格言形容：「 Try before you reject！好多人創業時都停係口頭階段，未試過，又點知唔得？」忠於所愛，勇於嘗試，他們將把香港人的創業精神延續下去。